ههڵای چ وهختهن؟
دڵت عاشق بۆ لهرزۆ چوون وهنهن
زاروڵهی نهفامم ههڵای چ وهختهن
تۆچێش مزانی ژیوای چ سهختهن
سهردی رۆزگارت حهرگیز نه چهشتهن
دووکهڵی فێراق جگهرت نهرهشتهن
نهدۆنای دڵبهر نهبیهن تهجرۆبهت
قهبوول نهکهرۆ ههزاران تۆبهت
خهیالت گهشهن پر رهنگ و دهنگهن
نهدیهنت به چهم کهفهن بێ رهنگهن
(تهنیاییت حهرگیز نهدیهن جه پائیز
بێ وێ گرهوینه پهی مهرگی ئازیز)
دل ئێشهت نهدیهن هیچ لای نهسرهوی
ههڵای چ وهختهن تۆ گرهوهی گرهوی
چهمت چی ههرسهن دهخۆ بێ دهردی?
وهی ئهر چهشینه جه دۆس نامهردی
رۆڵه نهدیهنت خهننه ی رواڵهت
بهلام شهو ماتهم بشکاوو تاڵه ت
لابهره رۆڵه دهی مهگرهوه دهی
خوا هۆرمهگێرۆ ههرسیم وهر بدهی
جه بادهی ئهزهل کهسی بهش مهدا
تا گڵکۆ گرهومێ پنهما گۆش مهدا
قهسهم به قۆرعان ئێشما نیاش دهوا
دێر وهختهن بووسه به لای لای ئهوا
فهرقێوش نیهن پادشاه و گهدا
کۆرپهکهم بووسه تاقانهی ئهدا
بئ ده نگ-هورامان- نودشه-زمستان ۸۹
