وهشهسیاویچ ههن
شیوهن گاشێونه وه شهسیاویچ ههن
کهم واچه به داخ دڵ وهشی نهمهن
دڵ لیانی شۆقهن نه کۆ گای خهمان
به جامی شهراو دڵ کهره دهرمان
نازینه شۆڵهی شهمعی دڵ سهربهی
چارشهوی خهمان کرژ بیاوۆره سهی
واچه دڵ وهشی !!جه خهم چی ماچی
قهبووڵ مهکهرمێ جه خهفهت واچی
دهی من چێش کهروو دڵ پاسهش واسهن
پهژاره و ماتهم رای شادیش ناسهن
خهم یا دڵ وهشی دڵ ههر یۆ وینۆ
خهم پوورهی ههنگهن کریۆ نهدیویۆ
مهر جهفای نێشی ههنگی تو کیشی
که ههنگوینی شاه بتاوی بنۆشی
تو خوا مهکهردێ مهنعی ماتهمم
بێ دهنگووبێ کهس پرههرسا چهمم
تیرێڤ من واردهن جه کهمانی خووا
زامش بێ مهرههم داذ بهرۆ ههوا
وێنهی بێ وێنهش بێ مهلاباتهن
ئتر کهم واچدێ چی خهم ماواتهن
ئهر به ناز بذیۆ دنیا و دین گڕ مذۆ
چارشهوی خهمان یهکسهر فڕ مذۆ
بێ دهنگ مزانمێ زامت ههر به سۆن
بهڵام چێش کهرمێ ئینهیچ تاڵهی تۆن
بی ده نگ
