تاقه وام

• _{بنیه سه‌روو ده‌سیم شه‌راو تا خه‌می دڵ گێرۆ قه‌رار}
• _{حاسڵ نه‌بی دیداری تو شه‌راو به‌ره ئیشی  خۆمار}
• _{ئاخۆربه کێ واچووسڕم هیچکه‌س مه‌دۆگۆش به‌خه‌مم}
• _{داخی تو حه‌ر مه‌نۆ  دڵم  که‌لاوش که‌رد گۆمی چه‌مم}
• _{گره‌وه‌ی گره‌وا هه‌راڵه‌کێش وامه تاقی مێوانی ده‌یم}
• _{وه‌ختێ گۆزه‌رکه‌رووجه لاش ئارام و‌ێشا وزانه ره‌یم}
• _{به زوانی بێ زوانی وێشا هام ده‌ردیشا که‌را چه‌نیم}
• _{گله‌یم هه‌نێ جه‌توره‌فێق چی ساتێ گۆش مه‌ده‌ی خه‌میم}
• _{ئاواره‌گیم  بیه‌ن ته‌مام  کۆته‌ن  غه‌ریب  تازه  نه‌مام}
• _{دۆسی من چی بیه‌ن شه‌راو؟تا ویری تو به‌رۆجه لام}
• _{زیننه جه لام خه‌یاڵی تۆ ساتێ ره‌وانم  وه‌ر  مه‌دۆ}
• _{خه‌یاڵ چێشه‌ن ساحێب خه‌یاڵ ئه‌ردیمه‌نش نیشان نه‌د‌ۆ}
• _{به‌یدێوه لام یارانی خه‌م با واچمێ جه ر‌ۆخساری یار}
• _{شه‌وان حه‌تا بانگی سه‌حه‌ر جه‌خاڵی رووش گێرمێ قه‌رار}
• _{بێ خه‌م بدیه‌یمێنه چه‌مش جامه شه‌راو ده‌یمێ ده‌سش}
• _{بدیۆما  په‌ی  به نازی وێش ساقی بۆنه  دیده‌ی  مه‌سش}
• _{بێ ده‌نگ مزانی مه‌حاڵه‌ن ئامه‌یش به لای تو خه‌یاڵه‌ن}
• _{نه‌بی دڵته‌نگ جه‌ بێ که‌سیت عمری بێ یارگردبه‌تاڵه‌ن}

 

^{بی ده نگ- نودشه -فروردین ۹۰}

بئ ده نگ

نه شه‌یخ ،نه مه‌ڵلا ،نه به‌گ،نه ده روێش

بێ ده‌نگ  گۆڵێوا   بۆ   مدۆ  په‌ی   وێش

په نگ

شۆنۆ ئه‌وه‌سیای نه‌گیڵی بێ ده‌نگ

ئیسه بسیه‌وه  سه‌بای مه‌ینه په‌نگ