هانه ی سیروانسک
چه‌مانم بێ تو چه‌مه‌ی سیروانسک
دڵ جه فیراقت کۆته‌ن نسکه‌نسک
سینه‌م ئاخنیان جه هه‌زاران ده‌رد
حه‌یرانه‌ن دیده‌م وێڵی هه‌رداوهه‌رد
خه‌یاڵ چۆن له‌یلوێ ئاماو لواشه‌ن
کۆرپه‌ی دڵداریم تاسه‌ی ئه‌داشه‌ن
ئای ئه‌دا ئه‌دا ؟ چکۆ خه‌م لا به‌را ؟
چکۆ داخۆم تاوا هه‌رسیم جه‌م که‌را؟
که‌لاوش که‌رده‌ن گۆمی ره‌وانم
ته‌ر که‌رده‌ن ده‌فته‌ر ئاوی چه‌مانم
قه‌ڵه‌م مه‌گێر‌ۆ ده‌سی بێ هێزم
بیه‌ن وه‌رم ئاشتین فامی دێر خێزم
بێ ده‌نگی گێرته‌ن تارووپۆی ده‌روون
کزم نه گۆشه ده‌نگ نمه‌ی بروون
خامۆ شی ده ررون ماوای نووری تۆن
سارای دڵ ته‌نگیم تاقی شه‌معی تۆن
شای رۆشن شۆڵه جه نیمه‌شوان
شێنه‌ی ئیر باره ده شه‌معی ره‌وان
تاریکی خه‌ریک کۆرکه‌ردای منه‌ن
ده‌ی کبریت کێشه هین ئاخرین ده‌مه‌ن
خه‌فه‌ت لابه‌ره وه‌شی گردیما
روجیاری رووناک په‌ی ئشه‌ویما
بئ ده نگ- نودشه-هورامان لهون-زمستان ۸۹
+ نوشته شده در ساعت توسط بی ده نگ
|
