بی ده نگ

نسکه‌نسکی دڵ  هه‌ناسه‌ش بڕته‌ن

دڵ وه‌شی چکۆن ده‌روون پر خه‌مه‌ن؟

واده‌ی سه‌ر  ئامای  ئاخه‌رین  ده‌مه‌ن

ئشه‌و بۆ سه‌ر ده‌م خه‌م به‌ره که‌م که‌م

ده‌ی  تو  خوا جارێڤ جام بنیه  وه  ده‌م

خۆماری وه‌سێن ته‌ققه وزه پیاڵا

با دڵ که‌م واچۆ ئامه‌یت مه‌حاڵا

زه‌ده‌ی  دیمه‌نی سیاو  چه‌مانم

چه‌مه‌رای واده‌ی نیمه‌شه‌وانم

گاڵته و هه‌رابه‌زم  مه‌دۆ به چه‌مم

زرینگه‌ی خرخاڵان مه‌به‌رۆ خه‌مم

عاشقی وێنه‌ی بێ وێنه ی یارم

جه روومه‌تی مانگ ئه‌من بێزارم

ده‌خیله‌ن هام ده‌رد وێرانه ماڵم

مه‌جنون له‌یل نه‌دیۆ دێوانه حاڵم

بی ده نگ-نودشه-۱۳۸۹